Gargždu krāšta muziejus kvėit liudītė istuorėjė

Šimēta mėnam 30 mētu sōkakti, kai 1991 m. sausi 13 d. ož laisvė kuovuota sosėtelkus, vėininga, bet somuokieta aukuom. Prisėjungdami pri pilietėnės akcėjės „Atmintės gīva, nes liudėj“ ėr sausi 13-uosės rīta dešimte mėnotiu oždegdamė longus žvakelės ož laisvės gīniejus, patvėrtėnam, kad mums iškuovuota laisvė – dėdžiausė vertībė.

Gargždu krāšta muziejus internetėnie svetainie www.gargzdumuziejus.lt dalėjas trėju Aukščiausiuosės Tarības gīnieju autėntėškas prisėmėnėmas ėr kvėit kuožna iš mūsa „keliautė laiku“ priimont sprėndėmus šėndėina. Kāp pasėelgtomem išgėrdė pasakuojamas situacėjės? Kuokėi jausma vėrtu mūsa krūtėnie?

Be soplanoutas „keliuonės laiku“, muziejėninka kvėit tāptė istuorėjės liudėninkas inicijoudamis 5-eriu mētu tīrėmus, katru metu bus renkamis pasakuojėma, nuotraukas, īraša apie rajuona gīventuoju iniciatīvas kuovuojont ož Lietovuos napriklausuomībės atgavėma. Muziejėninka kvėit ēsamus ėr bovosius Klaipiedas rajuona gīventuojus dalītėis istuorėjuom, kas tou metu vīka rajuonė, fotografėjuom ar kėtu Sausi 13-ojė primėnontiu daiktu skaitmenėnes vaizdas el. pašto istorikas@gargzdumuziejus.lt arba paskombintė tel. (8 46) 45 22 14.

Iš sorinktuos medžiaguos, pasėtelkdamis jaunima kūrībėškoma, muziejėninka planou parėngtė paruoda, iprasmėnontė mūsa keli ī laisvė būsėmuoms 35-uosiuoms Sausi 13-uosės metėniems.


Taip pat skaitykite:

Darom iki galo!

Paieška

Naujienlaiškis

Žurnalisto pastabos

Šimtadienio klūpsniai

Prieškovidinio laikotarpio mokyklose vasaris būdavo…

Plačiau »

Bendraukite su mumis Facebook